Inapod ni Senator Christopher “Bong” Go na sarong klase nin pamumulitika an pahayag ni Police Colonel Jovie Espenido sa House of Representative ngani na ikonektar si dating presidente Rodrigo Duterte sa anti-drug war kan gobyerno.
Segun sa senador na warang direktang impormasyon o ebidensiya na imbwelto ini sa koneksyon kan Philippine Offshore Gaming Operator asin giyera kontra iligal na droga.
Malinaw suboot na saro sana ining hearsay kaya nagngalas kun papano man naimbwelto an saiyang pangaran sa affidavit.
Pigduon pa kan senador na warang direktang kinaaraman sa anuman na POGO an reward system sa drug war.
Kan naging Special Assistant to the President an senador, nuarin man an dae suboot siya nagkapot nin anuman na pondo sa drug wars asin anuman na pondo na hali sa POGO.
Dugang pa ni Bong Go na makangalas man na pirit pigkokonektar an Philippine Offshore Gaming Operator sa anti-drug war kan nakalihis na administrasyon.
Inasegurar man kaini na an mga suportang itinao sa mga kapulisan an hali sa ligal na paagi asin ini an naka programa sa gobierno.
