Nag-concede asin inako na ni Senador Alan Peter Cayetano na bako siya an Senate President makalihis maglipat si Senador Joel Villanueva sa bagong mayorya kan Senado.
Pinaglalaoman na magtatao ini nin bastanteng numero ngani na pormal na mailehir an bagong lider kan Halangkaw na Kapulungan.
Sa sarong pahayag ngunyan na Miyerkules, Hunyo 17, kinumpirma ni Cayetano an saiyang pag-concede makalihis sindang magkaolay ni Villanueva asin ipighayag na dae niya ini uulangan.
Paliwanag kaini na bako permanente an liderato sa sarong demokrasya, asin ini an ipinasubli sana.
Ipinaabot man ni Cayetano an pagbati asin kooperasyon sa siisay man na lehitimong maiilehir sa kapulungan.
Dugang pa ni Cayetano na sarong dakulang honra sa saiyang buhay na magserbi bilang Senate President.
“I may leave the position of SP, but I am honored to still be your PS — your Public Servant,” pagtatapos ni Cayetano.
