LEGAZPI CITY-Ipigsasagibo sa Barangay 31‑Centro‑Baybay Legazpi City sa paagi kan Barangay Council for the Protection of Children (BCPC) an seminars ngani maprotehiran an mga joven asin maaaraman ninda an saindang mga direchos.
Segun ki Barangay Kagawad Maryanne Armero, sa intrevista kan Bombo Radyo Legazpi na pigsisierto ninda na naipapaotob nin tama an mga direchos kan mga joven para sa saindang marhay na futuro asin edukasyon.
Obheto suboot kaini na primerong mai-edukar an mga kaakian, maprotehiran kan saindang mga magurang, asin maitao an marhay na buhay mantang sinda aki pa.
Magkakaigwa man suboot nin mga workshop asin family day sa masunod pang semana.
Nagsasagibo sinda nin seminars sa bilog na taon para sa mga kaakian siring man an asistensya ngani maresolbaran an saindang problema.
Nakikipagkoordinar man sinda sa mga ibang ahensya sa pagtatao nin intervention asin giya sa saindang buhay.
