LEGAZPI CITY — Dinoble an paghigot sa seguridad na ipinautob kan Philippine National Police (PNP) sa pinagkondusiran kan pilgrimage o Alay-Lakad sa syudad kan Tabaco.
Segun ki PC/Insp. Jon Retumban, tagapagtaram kan Tabaco City Police, antes pa man magpuon an prusisyon, naka-deploy na an anom na command post o police assistance desk kan Tabaco CPS puon sa intersection sa Barangay Buang hasta sa planetarium o sa Mayon Skyline.
Awpera pa kaini, may mga pwesto man an tulong ambulansya kan lokal na gobyerno kan syudad kun en kaso magkaigwa nin dae piglalaoman na pangyayari, Philippine Red Cross asin Kabalikat Civicom.
Padagos suboot an saindang pagbabantay hasta sa maklarado na an venue kan aktibidad na posibleng abuton hasta alas 12 nin udto ngunyan.
Rinibo man suboot na deboto asin youth pilgrim an nagpartisipar sa aktidad.
Ngane man na masierto an seguridad kan lambang indibidwal, ipinagbawal an pagdara asin pag-inom nin arak, pagdara nin patarom asin an pagdara nin lunadan pasakat sa skyline na makakadugang sa piot kan tinampo.
Tinawang duon man ni Retumban na sarong religious activity an Alay-Lakad asin bako picnic o ano pa man.
