LEGAZPI CITY—Padagos na pig-oobserbaran kan mga personahes kan Legazpi Public Safety Office an sitwasyon kan trade fair and night market sa ciudad kan Legazpi.
Segun ki Legazpi Public Safety Office Head Octavio Rivero, sa intrevista kan Bombo Radyo Legazpi, mabugtak sinda kan saindang mga personahes antes na matapos an aktibidad nganing mamanehar an bulos kan trapiko asin mamantenir an seguridad digdi.
Dugang niya na wara man suboot sindang nagin problema sa mga paratienda durante kan nagpuon an nasabing aktibidad.
Mientrastanto, nagpagiromdom man an opisyal sa mga motorista na mag-ingat sa saindang pagbiyahe urog na ngunyan na nakaka-eksperyensya nin mga pag-uuran sa nasambitag ciudad.
