Sibak na sa trabaho an security guard na kumumpronta sa sarong estudyanteng nagtitinda nin sampaguita sa hampang kan SM Mega Mall sa Mandaluyong City.
Sa luminuwas na video an mahihiling na kinuwa asin pigraot kan guard an mga garland na paninda kan joven.
Nin huli sa pagkadismaya asin panghihinayang kan joven an binadol kaini sa guwardiya an natadang mga burak.
Pero dae ini pinalagpas kan security personnel asin sinipa kaini an joven, kaiba an pagtaboy.
Tulos mang nagluwas nin pahayag an nasabing mall makalihis na maglakop an video.
Pigtaram kan kompaniya na dae ninda tatanggapon sa dawa anong mall na sakop ninda an nasambitang guwardya.
Dae na muna pinangaranan an guwardiya, pati na an joven, mantang nagpapadagos pa an imbestigasyon.
