Parehong isinarado kan Hulyo 2026 an duwang checking account kan Cale88 sa Security Bank, basado sa kumpirmasyon ni Leslie Cham, Branch Banking Group Head kan bangko, sa ika-35 aldaw kan impeachment trial ni Vice President Sara Duterte.
Sa paghahapot ni Senator-judge Kiko Pangilinan, kinumpirmar ni Cham na igwang duwang peso checking account an Cale88 sa Security Bank, alagad pareho na ining sarado sa ngunyan.
Segun sa bank records kan testigo, an enot na account na igwang ending balance na P332,530.95 kan Disyembre 2025, mantang an ika-duwang account an igwang may P21,164.27 na ending balance sa parehong panahon.
Hinapot man ni Pangilinan kun nuarin binuksan an nasabing mga account.
Sinabi ni Cham na an enotna account an binuksan kan Agosto 2024, mantang an ika-duwa an binuksan kan Oktubre 2025.
Alagad parehong isinarado an duwang account kan Hulyo 2026.
