LEGAZPI CITY – Pagtatao nin intervention asin assistance sa mga paraoma an mayor na pigtutukan ngonian kan Department of Agriculture Regional Office 5 urog na nasa magayon na kamugtakan an sektor kan agrikultura sa rehiyon.
Segun ki Emily Bordado, chief information officer kan DA Bicol, pighihingua kan ahensya na maitao na sa mga paraoma sa urog na marekas na panahon an secure loan kun saen hasta sa P70, 000 an pwedesir na ma-avail kan mga ini.
Sa tabang kaini, kabanga sana an babayadan kan makakaresibe kan asistensya na gagamiton sa recovery o pagbakal kan mga kinakaipuhan na inputs.
Pighahalat na sana sa ngonian pag-finalize sa nasabing programa mientras na dagos-dagos man suboot an pagpapakonstruir kan mga drying facilities na obhetong maikaag sa gabos na munisipalidad.
Pigpapadalagan kan biomass fuel na hale sa rice hull, kuryente siring man an solar panel an nasabing rice processing center na igwa nang molinohan asin warehouse.
Pigwo-work out naman ni Agriculture Secretary Manny Piñol sa National Irrigation Administration o NIA an apelar sa libreng irrigation fee tangarig makabawas sa gabat kan mga paraoma.
Sa kabilugan, inasegurar kaini an magayon na dalagan kan sektor sa kabikolan.
