Nasita ni Senador Raffy Tulfo an Securities and Exchange Commission (SEC) huli sa pagre-regulate kaini sa mga financial asin lending companies na nagpapadalagan kan saindang mga online lending applications (OLAs).
Nadiskobre ni Tulfo si ikinasang hearing kan Senate Subcommittee on Banks and Financial Institution na pinabayaan suboot kan SEC an lending companies na ipabarewas an confidential information kan “borrowers” sa third party service providers na nakabugtak sa Section 2 kan saindang Circular No. 18 s. 2019.
Depensa ni Atty. Kenneth Joy Quimio, OIC Director kan Financing and Lending Companies Department kan SEC, partner man daa ini kan mga online lending applications na nagsisirbing agents ninda.
Bagay na tinutulan ni Tulfo asin sinabing maliwanag na pagbayolar ini sa Data Privacy Act of 2012 (Republic Act No. 10173) na nagpoprotektar sa mga sensitibong impormasyon kan sarong indibidwal.
Dugang pa kan senador, magkaibang entity an OLA asin an third party service provider na dae dapat pigtatawan nin siring kaining mga sensitibong impormasyon.
Iminungkahi ni Tulfo na magdesignar o mismong mga collection units na dapat kan OLAs an dapat kumolekta kan mga utang para may habol an mga biktima enkaso sinda an i-harass.
Inirekomenda man kan mambabatas an dagos na pagsibak sa nasambitang probisyon kan naunambitang SEC Circular asin pagrepaso kaini nganing makabilog nin bagong polisiya na siyang sinang-ayunan ni Atty. Quimio.
 for re-regulating financial and lending companies operating their online lending applications (OLAs).){kind=link}