LEGAZPI CITY – Pigduon ni Presidential Communications Secretary Martin Andanar sa eksklusibong intrevista kan Bombo Radyo Legazpi na pig-iisip sana ni Presidente Rodrigo Duterte an kapakanan kan publiko katakod kan pagkanselar kan laog sa mga government offices asin mga pampubliko asin pribadong eskwelahan.
Pinahimutikan man kaini an mga bareta na an lakdang kan presidente an bilang pagbalos sa mga tsuper na nagsagibo nin strike.
Paagi sana suboot ini kan presidente bilang pagtatao nin respeto asin oras sa mga nagsasagibo nin tigil-pasada na magpahayag kan saindang opinyon sa matoninong na paagi.
Dugang pa ni Andanar na kinakaipuhan na sanang sunudon an ibinabang kasuguan kan presidente huli ta para man ini sa ikakarahay kan gabos.
Mientrastanto, inomaw man ni Sec. Andanar an matrayumpong operasyon kan Armed Forces of the Philippines kun sain nagadan an terrorists na sinda Isnilon Hapilon asin Omar Maute.
