LEGAZPI CITY- Sinierto kan Schools Division Offce Albay na igwang koordinasyon sa mga magurang antes an pagsasagibo nin deworming activity sa mga eskwelahan.
Ini an kasunod kan report na pagkagadan kan sarong Grade 4 student kan Hugo Perez Elementary School sa Cavite makalihis suboot painumon nin pampapurga.
An nasabing insidente an pigsasairarom pa sa imbestigasyon.
Segun ki SDO Albay Spokesperson Froilan Tena sa intrevista kan Bombo Radyo Legazpi, antes magsagibo nin deworming sa mga kaakian, igwa muna nin form na ipigtatao ngani na ma-fill out kan mga magurang.
Ini man an nagseserbing permit para sa nasabing aktibidad, kun sain pwedesir na maaraman kun igwang mga eksistidong kamatean an sarong estudyante.
Dagdag pa kan opisyal na sa provincia kan Albay, wara man na anuman na problema sa deworming activity sa nakalihis na mga panahon.
Tinawan man kaini nin importansya an pagpurga sa mga joven para sa saindang salud.
