LEGAZPI CITY—Nag-request an Schools Division Office Albay sa DepEd Regional Office V asin DepEd Central Office na kantidad P2.6 million para sa disaster response intervention kan nasulong gabaldon building kan Camalig North Central School (CNCS).
Segun ki Disaster Risk Reduction and Management Office (DRRMO) Schools Division Office (SDO) Alvin Cruz, sa intrevista kan Bombo Radyo Legazpi, na resulta kan pagkakasulo kan nagkapirang klasrum, nag-request an saindang opisina nin six units na Temporary Learning Spaces huli ta wara nang malalaogan an mga estudyante nin klasrum sa sunod na school year.
Dugang kaini na nag-request man sinda nin clean up and clearing operations fund para sa paglinig kan mga debris sa nasulong gabaldon building.
Nag-request man an saindang opisina nin teachers’ and learners’ kits.
Afuera digdi, nakatalaan man na magsagibo psychological first aid nganing matabangan an mga kaakian asin paratukdo para mamantenir an saindang mental wellness.
Sa presente, sinabi ni Cruz na pighahalat na sana nindang ibaba an pondo ngani na matabangan an naapektaran na eskwelahan.
