Legazpi Cuty Ipinagpasalamat kan SDO Albay an pagkakaarestar sa suspek sa panghahabon sa Albay lalo na sa mga eskwelahan sa probinsya.
Sa intrevista kan Bombo Radyo Legazpi kay Froilan Tena , An Tagapagtaram kan Schools Division Office Albay, haloy nang naging problema sa probinsya an serye nin harabunan sa mga eskwelahan.
Kun babalikan kan nakalihis na aldaw nagpaluwas nin report an Albay Police provincial office na nadakop na an suspek na binansagang si ” Boy Tv “
Nabiktima kan suspek an mga eskwelahan sa parte kan Camalig asin Daraga asin sa nagkapira pang lugar sa albay.
Dakula an pasasalamat kan opisyal sa pagkakadakop kan suspek nin huli sa napakaimportante an mga TV sa laog kan classroom para sa pag-aadal kan mga aki.
Base sa datos kan SDO Albay maabot sa 10 na mga eskwelahan an nabiktima kan mga parahabon sa mga lugar kan Camalig asin Daraga.
Sa presente padagos pang pinag-aaram kan SDO Albay kun nakabalik an mga Smart TV na nahabon.
Problema ngunyan kan nagkapirang mga paratukdo an gagamiton para sa pagklase kan mga estudyante.
Ipinagpapangapudan na man kan SDO Albay na magkaigwa nin mga mabantay asin malibot sa mga eskwelahan.
Mientras tanto pinag-iinganyar man kan ahensya an pagkakaag nin mga CCTV sa lugar.
