LEGAZPI CITY-Iaagi na sa science based facts an pag apruba sa mga flood control projects kun sain bubusisihon an mga proyekto.
Pigsierto man ni House Appropriations panel chair asin Nueva Ecija Representative Mikaela Suansing sa budget briefing kan ahensiya ngonian na aldaw.
Naglatag man an opisyal sa mga parameters na siyang magsisirbeng giya sa pag apruba sa mga flood control projects.
Tinawan doon man ni Suansing na dapat malinaw an feasibility study asin nakabase ini sa science and facts an pag apruba sa proyekto.
Ipigbubusol man ni Suansing na an magigin basehan sa pagtukoy sa mga proyekto an project Noah bilang pangenot na determinant ngani masierto an lugar na nakalaag sa sa red zones.
Pighikayat man ni Suansing an mga kapwa mambabatas na tutukan an mga pigpapaotob na reporma sa DPWH masierto an accountability asin responsiveness ngani na mapanimbag an mga opisyal na imbuelto sa anomalya.
Dapat magkaigwa man subooy nin sistema an ahensiya ngani dai na mautro an mga siring na insidente.
Pagoolayan man sa budget briefing kun paano ayuson an pondo kan DPWH sa 2026 NEP ngani masierto na an mga proyekto an talagang mapapakinabangan kan mga namamanwaan.
