Ibinasura na kan Korte Suprema an petisyon na isinangat ni Cassandra Li Ong laban sa komite kan Senado asin Kamara de Representantes na nagkokondusir nin imbestigasyon sa mga anomalya sa Philippine Offshore Gaming Operators (POGOs).
Base sa desisyon na pinirmahan ni Associate Justice Jhosep Lopez, binisto kan Korte Suprema (SC) an poder kan Kongreso na magsagibo nin hearing in aid of legislation.
Imbuelto si Ong sa operasyon kan Lucky South 99 sa Porac, Pampanga na pig-raid kan mga awtoridad huli sa iligal na operasyon kaini.
Sinabi ni Ong sa saiyang petisyon na pigbabalgar kan Kongreso an saiyang deretso na magsilencio asin right against self-incrimination.
Inakusaran pa kaini an House QuadComm na nag-aabuso kan saindang poder asin naglampas sa saindang hurisdiksyon sa pagkondusir kan imbestigasyon huli ta pinirit siyang magtao nin impormasyon.
Lininaw kan SC na nakasurat sa 1987 Constitution an legislative power kan Kongreso, kaya warang nahiling na violation.
Nahahampang si Ong asin iba pa sa kwalipikadong kaso nin human trafficking na isinangat kan Abril.
.){kind=link}