LEGAZPI CITY- Arson an pwedesir na kahampangon na kaso kan suspek na si Erwin Briola makalihis kaining suluon an trapal sa sarong sari-sari store sa Brgy. Mapapac Barcelona, Sorsogon.
Enot kaini, nagreport sa Barcelona MPS an biktimang si Joel Destreza ngani na isumbong an nasambitan na insidente.
Napag-araman na minata kan suspek an biktima ngani na magbakal nin gasolina mantang lunad kan saiyang motor.
Huli sa banol na pag-sirbe kan tindero, nauyam suboot ini kun kaya sinilyaban an ibabang parte kan trapal na pigigibong lingod kan tindahan.
Tulos man na nagdulag si Briola sa dae pa maaraman na direksyon.
Sa ngunyan, padagos an imbestigasyon kan pulisya katakod kan nasambitan na kaso nin arson.
