LEGAZPI CITY—Nakapagrehistro nin sarong rockfall event an Philippine Institute of Volcanology and Seismology (PHIVOLCS-DOST) sa Bulkang Mayon ngunyan na Huwebes, Abril 17, 2025.
Segun ki Mayon Observatory Resident Volcanologist Deborah Fernandez, sa intrevista kan Bombo Radyo Legazpi, an nasabing rockfall an pasiring sa parte kan Basud Gully.
Sinabi kaini na sadit an nasabing rockfall huli ta duwa sanang seismic stations an naka-detect digdi.
Normal man suboot an siring na pangyayari nin huli ta nagtetenir na Alert Level 1 an bulkan.
Mientrastanto, padagos man an pagiromdom kan ahensya na ibitaran an paglaog sa six-kilometer permanent danger zone kan Bulkang Mayon.
Dapat man na mag-ingat sa mga posibleng biglaan na phreatic eruptions asin rockfall events.
