LEGAZPI CITY-Sinabi kan sarong Political Analyst na posibleng magin opurtunidad ini ni Senator Chiz Escudero na maayos an saiyang image sa publiko enkaso siya an mapili bilang presiding officer sa impeachmant trial ni Vice President Sara Duterte.
Segun kay Political Analyst Professor Amr Solon Sison, sa intrevista kan Bombo Radyo Legazpi na na posibleng magin opurtunidad ini ngani maayos an saiyang image orog na kun balak niyang magin kandidato sa election 2028.
Dugang pa niya na posibleng magin “redemption act” niya ini ngani ipresentar an saiyang sadiri asin dangan na tubudan kan mga namamanwaan orog na kun magbago an saiyang “stance”.
Sinabi pa ni Sison na importante an pagigin abogado sa proseso kan impeachment trial, kun kaya posibleng si Escudero an makakapag-perform kaini.
Siring man na ma-depende pa ini sa kun papano siya mahiro sa proseso kan impeachment trial ngani magin organisado an ini asin nagsusunod sa konstitusyon.
Mientras tanto, ipighayag man niya na dai siya sierto kun maatendir si Senator Bato Dela Rosa orog na dai naaprubahan an online voting sa Senado, alagad naglalaom siyang makapag-atendir ini sa tahaw kan saiyang arrest warrant.
Punto pa kan Political Analyst na mas magayon na halaton an mga ebidensya huli ta digdi mismo mahihiling an resulta asin kadakol subootan ipe-presentar na ebidensya kan prosekusyon.
