LEGAZPI CITY—Sarong parasisira an gadan mantang nagsisira sa may parte kan kadagatan kan Barangay Lamba sa ciudad kan Legazpi.
Segun ki Legazpi CPS PIO Police Executive Master Sergeant Carlos Paña, sa intrevista kan Bombo Radyo Legazpi, an biktima minidbid na si Ariel Toledo, 39-anyos, residente kan Sitio San Isidro, Puro, Legazpi City.
Susog sa kapwa kaini parasisira nahiling niya an biktima na nagtapok nin fishnet mantang nagsisira asin nakasabay sa pagtapok an saiyang pang-sagwan.
Pigbalo man suboot kaini na kuahon an pang-sagwan alagad dae na naglataw an biktima.
Naghagad nin tabang an kapwa parasisira sa pag-iriba asin nirespondehan ini.
Dinara pa sa ospital an biktima alagad dae na ini naisalbar pa.
Mientrastanto, abiso kan opisyal lalo na sa mga parasisira na dapat may kaiba sinda sa pagsisira para en kaso man na mangyari makahagad tulos nin tabang sa pag-iriba.
