Sarong light aircraft an nag-emergency landing sa fairway kan sarong golf club sa Sydney, Australia.
Segun ki Bombo International News Correspondent in Australia Denmark Suede na tama an ginibo kan piloto na antes mag-emergency landing an pigporbaran kaining i-revive an magadan an makina kan eroplano.
Mas pinili suboot kan piloto na maglanding sa golf course huli ta mas salbado ini kompara kun pinili niyang mag-landing sa dagat na may huma pa kan pagkalamos.
Napansin niya man sa mga naglalakop na video kan paglanding kaini na problema sa makina an nagin rason kan insidente huli ta dae napansin kan kadaklan na mga nasa ground na mabagsak na an eroplano.
Bilang saro man na aircraft expert, sinabi niya na maski nagadan an makina dapat an mamantenir kaini an airspeed asin nagibo man kan piloto na palsukon an fuel valve antes ini magbagsak kun kaya dae ini nasulo o nagsabog na resulta man kan magayon na training.
Dae man suboot malikayan sa sarong eroplano na magkaigwa nin mechanical error huli ta bako perpekto an makina kaini asin madepende na an siring kaining pangyayari sa pagmani-obra kan mga piloto nganing maisalbar man an saindang buhay.
Huli ta intact pa an eroplano an pwedesir maaraman kan flight school an tunay na nangyaring emergency landing asin automatic ining imbestigaran kan Australian transport and Safety Board.
Nagtutubod man si Suede na maski magkakawsa nin trauma sa mga estudyante an nangyari an makakatabang man ini liwat para sa saindang pagkanood.
