LEGAZPI CITY — Nasa irarom na kan kustodiya kan Polangui Municipal Police Station an lalaking nahilingan na may darang granada.
Segun ki PC/Insp. Arthur Gomez, tagapagtaram kan Albay Police Provincial Office, sa ikinundusir na Oplan Sita kan Polangui MPS sa Barangay Ubaliw, nasita an sarong motorista na warang plate number an saiyang pigmamanehar na motorsiklo asin digdi na nanotisyaran kan mga pulis na garong may nakaumbok sa tuong bulsa kan sulot kaining jacket.
Digdi na nadiskubre kan mga otoridad na sarong granada an bitbit ni Lito Benigan, 35 anyos na residente kan San Ramon, Nabua, Camarines Sur.
Pauli na suboot ini kan masita asin kan hagadan nin papeles, dae suboot ining naipahiling kun kaya tulos na inarestar kan personahes kan Polangui MPS.
Sa ngunyan, pighahanda naman an kasong isasangat laban sa suspetsado.
