LEGAZPI CITY – Gadan an sarong lalaki makalihis makabangga sa kahoy mantang nago-overtake ini sa Barangay Bariis ciudad kan Legazpi.
Segun kay Police Executive Master Sergeant Carlos Paña Public Information Officer kan Legazpi City Police Station, sa intrevista kan Bombo Radyo Legazpi, hale sa Sorsogon an biktima alagad nag-overtake sa pakorbadang parte.
Dugang pa kan opisyal na may sulog man ining helmet alagad bako husk helmet an saiyang ginamit na nagresulta kan saiyang mga tama sa payo.
Segun sa Physician, sa payo an tama kan lalaki na nagresulta kan saiyang tulos na pagkagadan.
Dinara pa an biktima sa ospital alagad idineklara ini na dead on arrival.
Segun pa kay Paña, sa haros sunod-sunod na aksidente, panduwa ini sa mga fatal na nangyaring insidente sa ciudad.
Pagirumdom man kan opisyal na magdrive nin nasa kondisyon, dai magpakaskas kan mga behikulo, asin mag check kung may preno an mga ini lalo na an mga rida dapat areglado bago magbyahe.
Mientrastanto, naka plano na man an mga kapulisan sa maabot na pagbukas kan mga klase sa ciudad, lalo na sa may parte na igwang mga elementary schools.
Magtatao man sinda nin mga dikit na pakunswelo sa mga studyante sa bitano asin magtatao sinda nin feeding sa mga kaakian sa lugar.
Nasa 150 na mga kapulisan an ilalatag sa bilog na ciudad kan legazpi.
Pagirumdom pa kan opisyal, sa mga magurang kung igwan mga problema huli sa oplan balik eskwela kan saindang mga aki, pwedisir sinda maghagad nin tagbang asin asistensiya sa mga kapulisan na mahihiling ninda sa saindnag mga area alagad ipaaram enkasong igwa man nin mga puting van na pinaglalaoman na dai na magkaigwa nin siring kaini sa ciudad kan legazpi.
