LEGAZPI CITY-Naarestar an sarong 70-anyos na indibidwal sa ikinasang operasyon kan Tabaco City Police Station huli sa pagpapabakal kaini nin explosive materials na piggagamit suboot para sa iligal na pagsisira sa Tabaco City Albay.
Segun ki Tabaco City Police Station Officer in Charge Police Colonel Virgil Bibat sa intrevista kan Bombo Radyo Legazpi, na piggigibong negoyo ini sa saiyang mismong harong kun sain pigbibilog an mga materyal bilang dinamita para sa pagsisira.
Naaraman suboot kan pulisya an impormasyon hale sa sarong source harani sa residensya kaini.
Nahahampang an suspek sa pagbayolar sa RA 9516 partikular na sa pag-possess nin mga explosive materials asin sa pagpapabakal kaini.
Sa presente, nasa kustodiya na kan Tabaco City Police Station an indibidwal.
Pangapudan man kan otoridad na dai mag-divert sa siring na gawi huli sa posibleng makaapektar ini sa mga nagsisira sa kadagatan siring man an iba pang hanap buhay.
