LEGAZPI CITY—Sarong high explosive cartridge 40mm an nadukayan kan sarong estudyante sa Barangay Poblacion Norte, Barcelona, Sorsogon.
Segun ki Barcelona MPS COP PCPT Jude Nario, sa intrevista kan Bombo Radyo Legazpi, na sarong estudyante na parasira an nagpasiring sa saindang opisina para ibalik an nakuang cartridge.
Pigtaram kan opisyal na tulos man ninda ining pig-turn over sa magkakanigong ahensya na nagmamanehar kan siring na bagay.
Segun sa estudyante na mantang sinda nag-aayos kan saindang ama kan fish cages nakapotan niya an cartridges kaya tulos na inireport.
An nasambit na cartridge nahiling harani sa salog.
Sa presente pig-iimbestigaran na kan saindang opisina an posibleng pinanghalian kaini.
Pigtaram kan opisyal na kun na-expose sa mainit o sala an pagkapot kan cartridge posible ini na magkawsa nin peligro kun kaya dapat na i-turn over sa mga magkakanigong ahensya.
Mientrastanto, nangapudang an opisyal sa mga namamanwaan na en kaso makakua nin mga bagay na pwedesir na magsabog o ano man na mga kaduda-duda na dapat i-turnover sa mga otoridad para makasigurado.
