LEGAZPI CITY—Sarong hawak kan 82-anyos na lola na kakalubong pa sana an kinua suboot sa laog kan saiyang nitso sa Sto. Domingo Public Cemetery sa banwaan kan Sto. Domingo, Albay.
Segun ki Sto. Domingo MPS OIC Police Captain Victor Borjal, sa intrevista kan Bombo Radyo Legazpi, na nahiling kan sarong sepulturero kan naunambitang sementeryo na nakatiwangwang an ataul asin wara na an hawak kan biktima.
Sa ngunyan nahanap na kan saindang mga personahes an hawak kan biktima, asin padagos man nindang pig-iimbestigaran an pinangyarihan kan insidente para maaraman kun igwa pang mga naiwalat na pwedesir na makakatabang sa pagmidbid sa suspetsado.
Dugang kan opisyal na igwa na man sindang kapot na nagkapirang CCTV footages sa pinangyarihan kan insidente asin nag-request na man sinda nin medico-legal.
Mientrastanto, nangapudan man ini sa namamanwaan na kun sisay man an may impormasyon mapadapit sa insidente na tulos na makipagkoordinar sa saindang opisina.
