LEGAZPI CITY-Nahahandal an grupo kan Rise Up for Life asin mga pamilya kan biktima sa war on drugs, sa pigsusulong na interim release para kay dating Presidente Rodrigo Duterte.
Segun kay Deaconess Rubilyn Litao, Coordinator kan Rise Up for Life, sa intrevista kan Bombo Radyo Legazpi, nahahandal sinda sa suboot pansamantalang pagpapaluwas sa dating Presidente asin natatakot na suboot magresulta ini nin tensyon sa kampo alagad mawara an proteksiyon asin seguridad kan mga pamilya kan biktima kan panahon kan war on drugs.
Dugang pa ni Litao, na saro ining banta sa kaligtasan kan mga nag-testigo asin mga biktima kan gera kontra droga.
Kairiba ninda sa saindang grupo an mga ina asin aki alagad an gabos na pamilya kan mga biktima, na nangangapudan na dai maisagibo an pansamantalang pagpapalaya sa dating presidente huli sa takot kan mga ini sa posibleng mga mangyayari.
Dagdag pa ni Litao, na an pansamantalang pagpaluwas kay Duterte, magigin benefit sa kampo kaini, kung siya mailipat sa ibang lugar.
Sampulong taon na man suboot na naghahalat an mga naulila na pamilya sa piglalaoman na hustisya na mapanagot an dating presidente mapadapit sa saiyang mga kaso.
Pagirumdom pa kan grupo na nagmo-monitor sinda kan mga pamilya kan biktima alagad ngani madangog an mga boses kaini, liwat dai dapat maipadagos an pigsasabing interim release kan dating Presidente.
Mientrastanto, nagpapasalamat man an grupo huli sa pagtatao sainda nin konsiderasyon asin pagdangog sa saindang kampo.
