LEGAZPI CITY—Sarong fraternity an nagbarewas nin libreng snacks para sa mga nagbisita sa Legazpi Catholic Cemetery sa ciudad kan Legazpi katakod kan obserbasyon nin Undas.
Segun ki Tau Gamma Phi/Sigma Tahao Road Chapter President Romy Jay-ar Barbudo, sa intrevista kan Bombo Radyo Legazpi, kabale sa saindang ipigpanao an libreng sopas asin mamon para sa mga nagbisitang tawo sa puntod kan saindang namaaram na padangat sa buhay.
Segun saiya na madali man suboot na naubos an saindang ipigbarewas na libreng snacks.
Dugang ni Barbudo na obheto ninda na matawan maski papano an mga tawong dae kayang magbakal nin sadiri nindang pagkaon.
Mientrastanto, nagmamawot man an saindang grupo na magin matoninong an pag-obserbar kan Undas sa nasabing kamposanto.
