LEGAZPI CITY-Ipighayag kan sarong educator sa United Kingdom an pinakadakulang learning crisis sa nacion.
Segun kay Edison David, an pinakaenot na Filipino educator MBE Awardee, na nagulantang siya sa findings kan World Bank kun sain sa edad na 10-anyos an dai pa tatao magbasa.
Tinawan doon man niya na kun an sarong aki dai pa nakakabasa sa edad na 6-anyos, maikokonsidera na ining disadvantage.
Ipigheras niya man an sarong implementasyon para sa lado kan edukasyon, na pina-olayan ninda ni DepEd Secretary Sonny Angara.
Ipighayag man ni David na importante an pagkakaigwa nin high standard sa curriculum.
Suhestyon ni David na importante man na magin giya an mga paratukdo asin magkaigwa nin high professional development ngani makapag-implement nin high standard na curriculum.
Sinabi pa kan opisyal na “back bone” kan pagtutukdo, iyo an curriculum asin curriculum delivery, kun kaya kaipuhan na aram kan mga paratukdo an saindang itutukdo asin kun pano ini itutukdo.
