LEGAZPI CITY-Nasakote kan mga otoridad an sarong dayuhan na indibidwal sa Guinobatan Albay makalihis na magpabakal ini nin iligal na droga durante kan holidays.
Segun kay Guinobatan Municipal Police Station Chief of Police Police Lieutenant Colonel Joseph Imperial, sa intrevista kan Bombo Radyo Legazpi na an suspek residente kan Rizal sa Taguig City asin sinamantala kaini an pagpapabakal nin iligal na droga sa saiyang mga parokyano durante kan holiday break.
Naarestar an suspek kasunod kan isinagibong operasyon kan mga otoridad katuwang an Philippine Drug Enforcement Agency (PDEA).
Nakumpiskar sa suspek an haros P1,630,000 na kantidad nin iligal na droga.
Nahahampang man an suspek sa kasong nagbabayolar sa Republic Act No. 9165 o an Comprehensive Dangerous Drugs Act of 2002.
Sa presente, makondusir pa nin profiling an mga otoridad ngani aramon an identidad kan nasabing suspek.
Kahagadan man kan otoridad an kooperasyon kan komunidad mapadapit sa mga siring na iligal na aktibidad asin mga personalidad.
