LEGAZPI CITY—Sarong construction worker an nairido makalihis na mabagsakan kan nagabang steel bar sa Bicol Regional Hospital and Medical Center (BRHMC) sa ciudad kan Legazpi, Albay.
Segun ki Bureau of Fire Protection Special Rescue Force Daraga Team Leader Senior Fire Officer 1 Felam Jacob, sa intrevista kan Bombo Radyo Legazpi, na kan saindang pag-abot sa insidente nahiling na nakatumba an mga bakal asin nakapatong na ini sa likod kan biktima na nakadapa.
Nagin matrayumpo man an pag-rescue sa biktima asin ini ipigdara na sa ospital para sa atensiyong medikal.
Nagin madali man suboot an pag-rescue huli ta may mga ekipahe man digdi asin may saro man na construction worker na nagtabang sa pagligtas sa biktima.
Siring man ini-stabilize ini kan saindang mga rescuer sa pakikipagkoordinar sa Legazpi Special Rescue Force asin Municipal Disaster Risk Reduction and Management Office (MDRRMO) Daraga.
Mientrastanto, nagpagiromdom man an opisyal sa publiko na pirmeng mag-ingat asin dapat iprayoridad an kaligtasan kan saindang buhay.
 in Legazpi City, Albay.){kind=link}