LEGAZPI CITY – Nakaresibi nin honra an Barangay Bagong-Abre, Legazpi City para sa mga barangay sa enterong provincia na dakol an mga babaeng elected asin appointed officials.
Segun ki Dindo Nuñes, an kapitan kan naunambitang Barangay sa intrevista kan Bombo Radyo Legazpi na naresibi ninda an parangal sa isinagibong Albay Women’s Leader Summit.
Sinda suboot an ikaduwa sa segundo distrito na dakol an babaeng elected asin appointed officials huli ta duwa lang suboot sindang lalaki sa saindang konseho asin gabos na suboot an kompwesto nin mga kababaihan.
Labi an pasasalamat niya asin kan saiyang konseho na saro sinda sa mga barangay na nakuwa bilang resipyente kan naunambitang honra.
Pigtaram pa ni Kapitan Nuñes na pag-uururunan pa ninda kun sain mapapaduman an naresibi nindang kwarta urog na kun ibubugtak ini sa proyekto o para sa pagpagayon kan womens association sa saindang lugar.
Sa presente, may mga ordinansa man sinda na ipig-iimplementar na para sa karahayan kan mga kababaihan sa Barangay Bagong Abre.
