LEGAZPI CITY – Binaha an sarong barangay asin an eskwelahan sa Barangay Pantao, sa banwaan kan Libon sa provincia kan Albay.
Segun ki Libon, Albay Mayor Das Maronilla sa intrevista kan Bombo Radyo Legazpi na kalimitang pigbabaha an Barangay Pantao asin an Pantao National High School urog na kun hightide.
Pigkakarkulong uminabot sa 0.5 sagkod 1 meter an langkaw kan tubig mna naglaog sa mga klasrum asin pasilidad kan nasabing lugar.
Harani lang suboot sa dagat an eskwelahan kun kaya nakasanayan na kan mga paratukdo asin estudyante an kaparehong sitwasyon kada high tide.
Nahihiling man kan opisyal an pagbubugtak nin mga protection barrier sa parte kan dagat na naglalaog sa eskwelahan nganing mabawasan an dakol na volume kan tubig na naglalaog.
Nakaka-apektar man sa mga estudyante asin paratukdo an pagbabaha alagad sa ibong kaini an padagos sana suboot an klase kan nasabing eskwelahan.
Pigtawan doon ni Mayor Maronilla na an sulusyon sana dapig digdi an i-relocate an eskwelahan sa halangkaw na lugar nganing dae na abuton nin tubig-dagat tuyong hightide.
