LEGAZPI CITY-Buminagsak sa tahaw na parte an sarong steel bridge sa Purok 5 sa Barangay Ilawod Camalig, Albay mantang pigagihan ini kan sarong dump truck.
Segun kay Camalig MPS Police Major Karlo P. Dy, sa intrevista kan Bombo Radyo Legazpi na pighihiling na rason an kargado nin graba an truck na na posibleng nagin kawsa kan pagbagsak kan tulay.
Nayupi suboot an mga bakal sa nasabing tulay asin sa presente dai muna maagihan kan gabos na behikulo asin liwat sa delikado para sa mga tawo, an pigtutugutan man giraray sinda na makaagi digdi.
Basado sa inisyal na imbestigasyon kan mg a otoridad, na pigaaram pa kun bagong gibo pa sana an tulay.
Dagdag pa kan opisyal na dai man suboot na-estimar kan driver kan truck kun posibleng makaagi an mga may magagabat na kargado sa tulay huli sa dai man nin nakalaag na signage digdi.
Igwa man suboot nin alternatibong agihan an mga residente asin pigpaplanuhan naman suboot na palitan ini nin bago huli sa an flooring kaini an puro bakal sana.
Sa presente, nahali na an truck sa tulay asin wara man ini nin damage.
Hihilingon pa suboot kun igwang paninimbagan an driver asin enkaso aram niya na dai pwede agihan nin darakulang behikulo an tulay, an posible man siyang masangatan nin kaso.
Presente man na pigsasairarom pa sa imbestigasyon an nasabing pangyayari sa nasambitang lugar.
Abiso man sa mga residentes na posibleng maagihan nin tawo an tulay asin magsasagibo sinda nin inspeksiyon ngonian kairiba an mga opisyales kan nasabing barangay.
