Legazpi City- Arestado kan mga otoridad kan LEgazpi City Police Station an sarong personang embwelto sa kasong Estafa sa cuidad kan Legazpi.
Sa intrevista kan Bombo Radyo Legazpi kay PEMS ( Police Executive Master Sergeant) Carlos Paña, an tagapagtaram kan Legazpi City police Station, naarestar an suspityado sa bisa kan ipinaluwas na warrant of arrest sa parte kan Barangay Ilawod, Legazpi City.
An suspek binistong si alyas Jenny, 29 anyos asin residente kan kaparehong barangay.
An naunambitang persona man an nahahampang sa kasong pagbalgar sa Revised Penal Code provisions (Articles 315 to 318), sa iraron kan RA 10951 asin igwang recomendadong piyansa na P18, 000 para sa saiyang paramientras na libertad.
An suspek an presenteng nasa kustudiya kan Legazpi City Police Station para sa magkakanigong desposiyon.
