LEGAZPI CITY—Nakatalaang magpaluwas nin interview-based vlog an sarong advocacy organization kan Bicol University katakod kan pagselebrar kan World Radio Day ngunyan na taon.
Segun ki Bicol University Movement for the Advancement of Youth-Led Advocacy Director-General Adornado Cabalbag Jr. sa intrevista kan Bombo Radyo Legazpi, saro sa saindang proyekto an pig-aapod na “The Wavelength” na may obhetong i-highlight an importansya kan local radio stations sa pagpapaluwas nin napapanahon, totoo asin reliable na impormasyon para sa namamanwaan urog na sa lokal na komunidad.
Sa nasabing aktibidad an nag-alokar sinda nin oras ngani na mas mapaharani sinda sa mga tawo sa komunidad asin makua an mga sentimiento o opinyon pag-abot sa mga local radio stations.
Dugang ni Cabalbag na makakatabang man ini nganing makapaghatod nin reliable na impormasyon sa mga estudyante kan BU mapadapit sa mga kalamidad siring man nganing maipaluwas an mga akomplishimiento o advances na pigpartisiparan kan mga estudyante kan BU.
Naghihingoa man an grupo na sa paagi kan saindang inisyatibo an magkaigwa nin mas haraning interaksyon an mga organization sa mga istasyon nin radyo nganing mas maipaabot an saindang mga ipinaglalaban o mga adbokasiya para sa mas ikakamaray kan komunidad.
