LEGAZPI CITY- (Update) Ibinuyagyag kan hepe kan Castilla Municipal Police na naenot nang inako sainda kan saro sa mga suspek an ginibong krimen sa panggagadan sa 21-anyos na si Diana Rose Razo alagad dae pa suboot ito pwedesir na gamiton sa korte urog na wara man ang presensya kan abogado kan mangyari ini.
Katakod kaini, segun ki PS/Insp. Joren Gutay, nagpapadagos pa an paghahanap ninda kan pusog na mga ebidensya na masuporta sa magkakanigong kaso na isasangat kan mga otordad.
Pighahalat man kaini an magigin statement kan mga posibleng testigo.
Mientras tanto, nagsayuma na an opisyal na magtao pa nin dugang na detalyes asin pangaranan an tolong suspek tangarig maibitaran suboot an prejudgment asin an pagkaka-preempt kan imbestigasyon alagad sienerto an pagporbar nin marekas na pagresolber sa kaso.
Naenot naman na nagpahayag an commanding officer kan 903rd Brigade kan Philippine Army Brigadier General Fernando Trinidad na ‘under restriction’ na an mga pigtutubudan na suspek.
