LEGAZPI CITY- Kinumpirmar kan Legazpi City Police Station na idineklarar na dead on arrival an saro sa mga biktima na imbwelto sa salpukan nin motorsiklo asin tricycle sa Purok 1, Barangay Banquerohan sa ciudad.
Marurumduman na nangyari an aksidente kasabay kan obserbasyon kan Sabado de Gloria.
Napag-araman na naipaaram na man sa pamilya kan nagadan an nangyari sa biktima.
Basado sa impormasyon hali sa kapulisan na pigbabaybay kan duwang behikulo an magkaibang direksyon kan maglaog an triycle sa linya kan motorsiklo na nagin rason kan insidente.
An tulong lunad kan tricycle an padagos man na pigbubulong sa ospital.
Katakod kaini, liwat na nagpagirumdom an pamayuhan kan Legazpi City PNP sa publiko na magdoble ingat sa pagmamaneho ngani na maibitaran an kaparehong mga insidente.
