Case closed na an sarong drug case laban ki dating Senador asin presenteng Mamamayang Liberal Party List Rep. Leila de Lima.
Ini makalihis katigan kan Muntinlupa Regional Trial Court Branch 204 an pag-urong kan prosekusyon sa nasabing kaso.
Sa resolution na may Setyembre 30, tinanggap kan Muntinlupa RTC an withdrawal kan prosekusyon sa motion for reconsideration na isinunad kan Hulyo 14 kan presenteng taon.
Huli kaini nagdesisyon an korte na “closed and terminated” na an saro sa drug cases ni De Lima, na nagresulta sa saiyang haros pitong taong pagkakakulong.
Paliwanag kan korte na an kada pag-abswelto an pinal na sa oras na iisyu ini asin dae na pwedesir bawion pa para sa pagtama o pag-amyenda.
Susog sa korte, an paggawad kan motion for reconsideration sa kaso an mabalgar sa constitutional protection kan naabsweltong indibidwal laban sa double jeopardy.
Magigiromdoman kan Hulyo 23, ipigsugo kan Department of Justice sa Muntinlupa prosecutors an pag-urong kan motion for reconsideration sa drug case ni De Lima na isinunad kan nasabing korte.
