LEGAZPI CITY – Nagpapadagos an pagproseso kan Department of Budget and Management (DBM) nin mga dokumentos mapadapit sa Special Allotment Release Order (SARO) para sa Performance-Based Bonus kan mga paratukdo.
Alagad paliwanag ni Teachers Dignity Coalition Chairman Benjo Basas sa intrevista kan Bombo Radyo Legazpi na an presenteng pigpo-proseso iyo an sa Performance-Based Bonus kan mga paratukdo sa mga pampublikong eskwelahan kan taong 2023 huli ta ngonian pa sana itinao an eligibility kan Department of Education para sa pagproseso kan nasambitang benipisyo.
Sa kabilugan an Central Luzon, Western Visayas, asin Central Visayas pa sana suboot an mga rehiyon na natatawan nin Special Allotment Release Order kan DBM mantang an iba an nasa manlain-laing lebel pa kan pagproseso kan mga papeles.
Pagmawot niya man na dae makaka-apektar sa pagproseso kan mga SARO an pagdemitir sa pwesto ni Amenah Pangandaman komo kalihim kan ahensya asin an pagtukaw sa pwesto kan masalida saiya.
Paliwanag kaya ni Basas na dakol saindang naipromesa si Pangandaman arug kan dagdag sahod sa mga empleyado kan gobierno asin an budget items sa 2026 General Appropriations Act kan Department of Education kun kaya ikinamundo ninda an pagdemitir kaini sa posisyon.
 continues to process documents regarding the Special Allotment Release Order (SARO) for the Performance-Based Bonus of teachers.){kind=link}