LEGAZPI CITY — Nagsangat na nin reklamo an lokal na gobyerno kan Legazpi City partikularmente an Marine Coastal Resource Management katakod kan nangyaring pagsadsad nin saro na namang behikulong pandagat sa katubigan na sakop kan Barangay Puro.
Sa intribista kan Bombo Radyo Legazpi ki Mayor Noel Rosal, sinabi kaini na nakaabot saiya an impormasyon gikan sa nasambitan na manehamiento kun sain piglalaoman na liwat naman na na-distroso an sea wall na padagos nganing pigpapakarahay sa ngunyan.
Sa presente, ipighayag ni Mayor Rosal na igwa na sindang nakarkulong kantidad kan danyos na kawsa kan pagsadsad alagad kinakaipuhan pa suboot na hilingon kan mga divers kun nadistroso man an mga corral reefs.
Sienerto kan alkalde na bako man dakulang behikulo an imbwelto sa insidente arog kan sarong Taiwanese vessel na pinabayad nin labi sa P4million.
Dae na man suboot nin dapat na ikahandal huli ta pig-aasikaso na an nasambitan na insidente ngani na makakua nin magkakanigong damage compensation ngani na ipapakarahay an ano man na naraot kan nasambitan na behikulong pandagat.
Nagtutubod man an opisyal na nangyari an pagsasad huli sa makusog na ukol na naeksperyensyahan kan mga nakalihis na aldaw.
