LEGAZPI CITY—-Saro an gadan mantang saro an irido sa nangyaring aksidente nin motor sa banwaan kan Mobo sa probinsya nin Masbate.
Segun ki Jeric Mitra, an Team Alpha Leader kan Mobo Municipal Disaster Risk Reduction Management Office sa intrevista kan Bombo Radyo Legazpi napag-araman na an mga biktima hali sa Mayong Payong Peak para maggibo nin video para sa saindang eskwelahan.
Mantang kan pauli na ini kun saen mahalnas an tinampo dara kan pag-uuran, digdi na nawaran nin preno asin nawaran nin kontrol an drayber kaini.
Nakatama an sunad kaining babaye sa gapong darakula asin dinara sa ospital alagad dae na ini naisalbar pa, mantang irido man an lalaking drayber.
Mientrastanto, nagpatanid man an opisyal na mag-ingat lalo na sa pagmamaneho para maibitaran an siring na aksidente.
