Kinumpirmar kan National Disaster Risk Reduction Management Council (NDRRMC) na may sarong nagadan sa panrarapado kan bagyong Marce.
Base sa iniluwas na situational report kan ahensya, pigaaram pa an pagkakabisto kan biktima asin kung sain ining lugar hale.
Sa datos, padagos an pagsasagibo nin mga search and rescue operations para sa mga nawawarang indibidwal sa rehiyon kan Ilocos.
Pigbeberipika na ngunyan kan NDRRMC an mga naibaretang binawian nin buhay.
Nag-abot man sa haros 261,787 na mga indibidwal o katumbas nin 76,622 na mga pamilya an labing naapektaran kan distroso ni Marce sa rehiyon kan Cordillera.
