LEGAZPI CITY – Duwang magkasunod na engkwentro an nairehistro sa Brgy. Tugas, banwaan kan Matnog sa Sorsogon sa pagultangan kan rebeldeng New People’s Army (NPA) asin Philipine Army (PA).
Sa ekslusibong intrevista kan Bombo Radyo Legazpi ki Col. Fernando Trinidad, commanding officer kan 903rd Infantry Brigade, suminiklab kasubagong alas 9:00 nin aga an enot na engkwentro kun sain nakasagupa kan mga ini an Charlie Company kan Infantry Batallion sa pangengenotan ni Lt. Pendejito na nagresulta sa pagfkagadan kan sarong miyembro kan rebeldeng grupo.
Sa imbestigasyon kan militar, makalihis an engkwentro na naghaloy nin 20 minutos, narekober an sarong M60 machine gun na dae na nagibo pang madara kan mga NPA huli sa gabat kaini asin huli na man sa sinapar na lugad kan nagkapira sa mga miyembro kan rebelde.
Makusog man an pagtubod kan opisyal na dayo sana sa lugar an mga nakasagupa kan pwersa kan militar kun sain nasundan pa ini nin saro pang mainit na engkwentro ala-1:30 nin hapon na naghaloy nin lima hasta sampulong minutos kun sain nakahampang man kan mga ini an mga suldados na pinangenotan ni Lt. Israeli.
Segun pa ki Trinidad, dae kabisado kan nasa poko mas o menos 20 rebelde an lugar kun kaya makusog an pagtubod kan opisyal na dae pa nakakarayo an mga ini.
Mientrastanto, wara man na nalugadan sa lado kan mga suldados mantang nagpapadagos pa an pusuit operation kontra sa rebeldeng gurpo.
