LEGAZPI CITY—Gadan an sarong drayber kan motorsiklo makalihis na suminalpok ini sa sarong passenger van sa Bypass Road, Purok 2, Barangay Mayon, Daraga, Albay.
Segun ki Police Lieutenant Isabel Nopia, an tagapagtaram kan Daraga Municipal Police Station, sa intrevista kan Bombo Radyo Legazpi, an biktima sarong 29-anyos, residente kan Barascaran, Daraga na iyo an drayber kan motorsiklo. Mantang an drayber kan van, sarong 33-anyos, residente kan Balogo, Sorsogon.
Susog sa inisyal na imbestigasyon, an motorsiklo sinabat an linya kan van rason para tuminama ini sa enotan na parte kan van.
An biktima dinara pa sa ospital alagad dae na ini naisalbar pa.
Sa presente, nasa kustodiya na kan Daraga MPS an drayber kan van.
Mientrastanto, padagos man an imbestigasyon kan mga kapulisan mapadapit sa aksidente.
Nagpagirumdom man an opisyal sa mga motorista na mag-ingat, asin dae magmaneho kun nakainom siring man an dae maghidali lalo na ngunyan na mauran an panahon.
