LEGAZPI CITY-Nairehistro an saro katawong gadan mantang rinibo an pigebakwar sa Caraga Region huli sa hagupit kan Bagyong Basyang na nag-landfall sa banwaan kan Bayabas, Surigao del Sur.
An nasabing indibidwal, sarong ginang na nadukayang gadan makalihis na maanod kan tubig-baha sa Andanan River sa Purok 9, Brgy Noli, Bayugan City sa banwaan kan Agusan del Sur.
Mientrastanto, nakapag-rehistro man nin rinibong evacuees an mga banwaan sa Surigao del Sur asin Surigao Del Norte, Agusan del Sur asin Agusan Del Norte kabale an Dinagat Islands.
Nakapagrehistro man an Coast Guard sa nasabing lugar nin 171 na mga stranded na pasahero sa Surigao Port asin Lipata Ports.
Nasa 69 na mga rolling cargoes man an sinuspendir an biyahe sa lugar.
