Gadan an sarong persona mantang nasa 79 iba pa an nalugadan sa pagtama nin buhawi sa China.
Nag-agi an buhawi sa Shandong province dara an makusog na paros asin tubig.
Sa kusog kan buhawi, nagkapirang mga puon nin kahoy an nabitbit kaini mantang may mga harong asin establishimento an nawasak.
Inabot man nin nagkapirang minuto an pag-agi kan buhawi antes na magkalma an panahon.
Segun sa China Meteorological Administration, komon ng nag-aagi an mga buhawi sa sur na parte kan nasyun na harani sa kadagatan.
Sa ngunyan nagpapadagos pa an search and rescue operations kan mga otoridad para sa mga biktimang naapektaran kan kalamidad.
