Personal na nagpasiring sa opisina kan National Bureau of Investigation (NBI) ngonian na aldaw an kontratistang si Sarah Discaya.
An saiyang pag-abot kasunod kan pahayag ni Presidente Ferdinand Marcos Jr. na ipa-aresto siya oras na mailuwas na kan korte an warrant.
Nahahampang si Discaya sa kasong malversation asin graft na isinangat kan Office of the Ombudsman katakod kan anomalous flood control project sa Davao Occidental.
An proyekto na nagkakantidad nin P96.5 million, pigdeklarar na natapos kan 2022 alagad napag-araman na wara man na itinugdok makalihis an imbestigasyon kan CIDG.
Konektado si Discaya sa mga kompanya na nanggana nin dakulang porsyon kan mga flood control contracts, kabali an Alpha & Omega General Contractor & Development Corporation.
Kabale man sa kaso an nagkapirang opisyales kan Department of Public Works and Highways (DPWH) na imbwelto sa nasabing proyekto.
Segun sa Presidente, dae makakadulag sa hustisya an mga imbuelto sa korapsyon asin piglalaoman na maipapaluwas an warrant ngonian na semana.
Pighihiling na importanteng lakdang an pag-hampang ni Discaya sa NBI sa mas mahiwas na imbestigasyon laban sa kurapsyon sa mga proyektong imprastraktura kan gobyerno.
 office today.){kind=link}