LEGAZPI CITY – Nagtangro na nin tabang an Sangguniang Panlungsod ng Legazpi ngani na mabawasan an naeeksperyensyahang serye nin brownout bako sana sa ciudad kundi sa bilog na provincia kan Albay.
Sa intrevista kan Bombo Radyo Legazpi ki Alexander Jao, councilor kan Legazpi City, nagbilog sinda nin resolusyon na naghahagad nin tabang sa Department of Public Works and Highways Regional Office V asin Department of Public Works and Highways 2nd Engineering District.
Ini an ngani na magtaong asestensya sa Albay Electric Cooperative Inc. (ALECO) sa clearing operations sa linya kan mga kuryente.
Obheto kan lakdang na masimbagan an aroaldaw na naeeksperyensyahang brownout bako sa ciudad kundi sa bilog na Albay.
Segun ki Jao, napag-araman na saro suboot sa mga nagkakawsa nin power outages an mga nakalaylay na mga sanga nin kahoy sa mga linya kan kuryente.
Inako man kan Aleco na kulang sa personahes kaya dae natatapos an mga clearing operations.
Huli digdi, nakatalaan na magsagibo nin massive clearing operations katabang an Department of Public Works and Highways Regional Office V asin Department of Public Works and Highways 2nd Engineering District.
