LEGAZPI CITY – Nakisabay an Sangguniang Kabataan kan Catanduanes sa selebrasyon nin Pride Month ngunyan na Hunyo.
Sa intrevista kan Bombo Radyo Legazpi kay Fred Benedict Gianan an Presidente kan Sangguniang Kabataan Provincial Federation kan Catanduanes, bilang pakikisumaro asin pagbisto sa derechos kan lesbian, gay, bisexual, and transgender o LGBT community, pininturahan an pedestrian lane sa Capitol nin rainbow color.
Nilinaw ni Gianan na ginibo ini na may pagtugot asin may magkakanigong dokumentos asin permit hali sa lokal na gobyerno asin gobyerno provincial.
Nakatalaan man na magsagibo nin Pride March an Sangguniang Kabataan sa maabot na Hunyo 29 na susundan nin Pride Night.
Pangapudan kan Sangguniang Kabataan sa publiko na maging bukas na an pag-iisip asin pundohon na an diskriminasyon sa mga miyembro kan lesbian, gay, bisexual, and transgender o LGBT community na siring kan ibang mga Pilipino an igwa man nin mga derechos.
