LEGAZPI CITY-Tinugutan kan Sandiganbayan Third Division an kahagadan kan Sixth Division na pagsaroon an mga kasong plunder asin pagbayolar sa Presidential Decree No. 46 na isinangat laban kay Sen. Rodante Marcoleta.
Presenteng nahahampang an senador sa kasong plunder huli sa dai suboot pagdedeklara kan labi sa P75 milyong donasyon hale sa saiyang kapwa-akusado sa saiyang kampanya kan 2025 elections.
Katakod man suboot kan pagbayolar sa Presidential Decree No. 46, na nagbabawal sa mga opisyal asin empleyado kan gobierno na magresibe nin regalo, an hiwalay na mga kasong sinangat kan Ombudsman laban sa senador.
Naenot naman na nahilingan kan korte nin probable cause ngani isairarom sa paglilitis sinda Marcoleta asin mga kapareho akusado na si dating Anakalusugan Party-list Rep. Mike Defensor, asin an mga negosyanteng si Aristotle Viray asin Joseph Espiritu.
Huli digdi, nagpaluwas na man an Sandiganbayan nin mga manhamiento de aresto laban sa sainda, asin tulos sindang naarestar.
